Samarqand viloyati Madaniyat boshqarmasi tasarrufidagi bolalar musiqa va san’at maktablari o’qituvchilarining navbatdagi o’quv-uslubiy seminari “Tasviriy san’at yo’nalishi” bo’yicha Pastdarg’om tumani 11-son bolalar musiqa va san’at maktabida bo’lib o’tdi. Ushbu o’quv-uslubiy seminarda Samarqand viloyati Madaniyat boshqarmasi tasarrufidagi Kattaqo’rg’on shahar 2-son bolalar musiqa va san’at maktabi tasviriy san’at sinfi o’qituvchilari ishtirok etdilar.Samarqand viloyati direktorlar kengashi tashabbusi bilan amalga oshirilayotgan mazkur o’quv-uslubiy seminardan ko’zlangan asosiy maqsad sohada faoliyat olib borayotgan o’qituvchilarga zamonaviy yangi pedagogik tehnologiyalardan foydalanish, dars o’tishning yangicha uslublarini yaratish, o’qituvchilarning mahoratini yanada oshirishdir. Bundan tashqari seminarda tajribali o’qituvchilar tomonidan “Ochiq dars”lar va “Mahorat dars”lari namoyish etildi.Tadbir so’nggida “Tasviriy san’at yo’nalishi”da erishilgan yutuq va kamchiliklar muhokama qilinib ,istiqboldagi strategik rejalar asosida amalga oshiriladigan vazifalar belgilab olindi.
